काठमाडौं। पाकिस्तानको खैबर पख्तुनख्वाको स्थानीय चुनाबको पलिो चरणमा पराजित भएपछि पाकिस्तानका प्रधानमन्त्री इमरान खानले आफ्नो पार्टी पीटीआइका सबै संगठन भंग गरिदिएका छन् । सूचना मन्त्री फवाद चौधरीले शुक्रबार इस्लामाबादमा यसको घोषणा गरेका छन् । मन्त्री चौधरीले प्रधानमन्त्री र पार्टीका बरिष्ठ नेताहरुसँगको छलफलपछि एक पत्रकार सम्मेलनमा यसको जानकारी दिएका हुन् ।

चौधरीका अनुसार खैबर पख्तुनख्वाको स्थानीय चुनाबमा पार्टीको प्रदर्शनप्रति प्रधानमन्त्री इमरान खानले असन्तुष्टि व्यक्त गरेका थिए । यद्यपि उनले ‘गाउँ सभा चुनाबको परिणामका अनुसार पीटीआइ अझै पनि प्रान्तमा सबैभन्दा ठूलो पार्टी भएको’ भनेका छन् । चौधरीले पत्रकार सम्मेलनमा भने ‘पीटीआइ वंशवादी राजनीतिमा विश्वास गर्दैन । प्रधानमन्त्री इमरान खान आफ्नो मिशनमा व्यक्तिगत सम्बन्धको पस पर्न दिनुहुन्न ।’

उनले उम्मेदवारलाई पार्टी टिकट योग्यताको आधारमा दिइनुपर्ने बताउँदै यो कुरा पिएमएल एन र पीपीपीमा पूरै विपरित भएको बताए । उनले भने ‘यदि यही संस्कृति पीटीआइमा आयो भने हामीमा र उनीहरुमा कुनै फरक रहने छैन ।’ फवाद चौधरीले अगाडि भने ‘हामीलाई गुनासो आइरहेका छन् कि योग्यतालाई पन्छाएर विभिन्न क्षेत्रमा परिवार सदस्यहरुबीच पार्टी टिकट बाँडियो ।’