काठमाडौं । देशको १५ औं राष्ट्रपतिको रुपमा सपथ लिएपछि द्रौपदी मुर्मुले आफू चुनिनु भारतका गरिबले ठूला सपना देख्न र पूरा गर्न सक्छन् भन्ने प्रमाण भएको बताएकी छन् ।

राष्ट्रपति बनेपछि द्रौपदी मुर्मुले आफ्नो आधिकारिक ट्विटर ह्यान्डलबाट पहिलो ट्विट गर्दै सबै देशवासीप्रति आभार व्यक्त गरेकी छन् । उनले भनिन्, “हामीले स्वतन्त्रताको अमृतमहोत्सव मनाइरहँदा यस्तो महत्वपूर्ण समयमा मलाई देशले राष्ट्रपतिमा निर्वाचित गरेको छ, आजको केही दिनपछि देशले स्वतन्त्र भएको ७५ वर्ष पूरा गर्नेछ।”

उनले भनिन्, “म पनि स्वतन्त्र भारतमा जन्मेकी देशको पहिलो राष्ट्रपति हुँ।”

राष्ट्रपतिले भनिन्, “मैले मेरो जीवन यात्रा ओडिशाको एउटा सानो आदिवासी गाउँबाट सुरु गरेकी हुँ। म जुन पृष्ठभूमिबाट आएकी हुँ, त्यहीँबाट प्रारम्भिक शिक्षा प्राप्त गर्ने मेरो सपना पनि थियो। तर धेरै अवरोधका बाबजुद पनि मेरो संकल्प दृढ रह्यो। कलेज जाने मेरो गाउँकी पहिलो छोरी भएँ।”

जोहार ! नमस्कार !

मैं भारत के समस्त नागरिकों की आशा-आकांक्षा और अधिकारों की प्रतीक इस पवित्र संसद से सभी देशवासियों का पूरी विनम्रता से अभिनंदन करती हूँ।

आपकी आत्मीयता, आपका विश्वास और आपका सहयोग, मेरे लिए इस नए दायित्व को निभाने में मेरी बहुत बड़ी ताकत होंगे।

— President of India (@rashtrapatibhvn) July 25, 2022

पार्षददेखि राष्ट्रपतिसम्मको यात्राको स्मरण गर्दै उनले भनिन्, ‘गरिब घरमा जन्मेकी छोरी, दुर्गम आदिवासी क्षेत्रमा जन्मिएकी छोरी भारतको सर्वोच्च संवैधानिक पदमा पुग्नु हाम्रो लोकतन्त्रको शक्ति हो । राष्ट्रपति पद मेरो व्यक्तिगत उपलब्धि होइन, यो भारतका हरेक गरिबको उपलब्धि हो।’

राष्ट्रपति बनेपछि उनले भनिन्, “मेरो चुनाव भारतका गरिबले सपना देख्न र पूरा गर्न सक्छन् भन्ने प्रमाण हो। मेरो यो चुनावमा देशका गरिब, देशका करोडौं महिला र छोरीहरूको आशीर्वाद समावेश छ। देशका प्रथम राष्ट्रपति डा. राजेन्द्र प्रसाददेखि श्री रामनाथ कोविन्दसम्मका व्यक्तित्वहरूले यो पद सजाउनु भएको छ। यो पदसँगै मलाई यो महान परम्पराको प्रतिनिधित्व गर्ने जिम्मेवारी पनि देशले दिएको छ।”

आफ्नो मन्तव्यको अन्त्यमा राष्ट्रपति मुर्मुले भनिन्, “विश्वको कल्याणको भावनाका साथ म तपाईहरू सबैको विश्वासलाई पूरा गर्न पूर्ण निष्ठा र समर्पणका साथ काम गर्न सधैं तयार हुनेछु। आफ्नो जीवनको लाभ-हानीभन्दा ठूलो संसारको कल्याणको लागि काम गर्नुपर्छ।”

संथाल जनजातिको स्मरण गर्दै उनले भनिन्, “सन्थाल क्रान्ति, पायका क्रान्तिदेखि कोल क्रान्ति र भील क्रान्तिसम्मको स्वतन्त्रता सङ्घर्षमा आदिवासी जनजातिको योगदानलाई अझ बलियो बनाएको थियो । ‘धरती आबा’ भगवान बिरसा मुण्डा जीबाट सामाजिक उत्थान र देशभक्तिको लागि हामीले प्रेरणा पाउँथ्यौं ।” राष्ट्रपति मुर्मु सन्थाल जनजातिबाट आएकी हुन् ।