काठमाडौं । पश्चिम बंगालका कांग्रेस सांसद अधीर रञ्जन चौधरीले राष्ट्रपति द्रौपदी मुर्मुलाई ‘राष्ट्रपत्नी’ भनेपछि विवादमा परेका छन् । तर, पछि उनले आफ्नो स्पष्टिकरणमा भनेका छन्, “मलाई थाहा छ कि भारतको राष्ट्रपति जो भए पनि हाम्रा लागि राष्ट्रपति नै हुन्, यो शब्द एकपटक मात्र बाहिर आएको छ, गल्ती भएको छ । तर सत्तारुढ दलका केही व्यक्तिले तोरी पहाड बनाउन खोज्छन् ।”

“दुई दिनदेखि हामी विजयचोक तर्फ जाँदा कता जाँदै हुनुहुन्छ भनेर सोधिएको थियो? हामीले राष्ट्रपति भवनमा गएर राष्ट्रपतिलाई भेट्न चाहन्छौं भनेका थियौं। हिजो मबाट गल्तीले यो शब्द (राष्ट्रिय पत्नी) ) बाहिर आएको थियो ।”

समाचार एजेन्सी एएनआईको रिपोर्ट अनुसार संसदको मनसुन सत्रमा यो विषयलाई लिएर निकै हंगामा भएको थियो । अधीर रञ्जन चौधरीले राष्ट्रपति द्रौपदी मुर्मुलाई लिएर गरेको ‘राष्ट्रपत्नी’ टिप्पणीलाई लिएर कांग्रेसले भाजपासँग माफी मागेको छ।

लोकसभाको कार्यवाही दिउँसो १२ बजेसम्मका लागि स्थगित भएको छ । यसअघि भाजपा सांसदहरूले यस टिप्पणीलाई लिएर संसदमा विरोध गरेका थिए।

यस विषयमा केन्द्रीय मन्त्री स्मृति इरानीले भनिन्, “राष्ट्रपति पदका उम्मेदवारका रूपमा द्रौपदी मुर्मुको नाम घोषणा भएदेखि नै द्रौपदी मुर्मु कांग्रेस पार्टीको घृणा र उपहासको शिकार भइन्। कांग्रेस पार्टीले उनलाई कठपुतली भनेको छ।”

“कांग्रेसले अझै पनि आदिवासी महिलाले यस देशको सर्वोच्च संवैधानिक पदलाई सजाएको तथ्यलाई स्वीकार गर्न असमर्थ छ। सोनिया गान्धीद्वारा नियुक्त सदनका नेता अधीर रञ्जनले द्रौपदी मुर्मुलाई ‘राष्ट्रपत्नी’को रूपमा सम्बोधन गरे।”

अधीर रञ्जनले आफ्नो ‘राष्ट्रपत्नी’ टिप्पणीको लागि माफी माग्नुहुन्छ कि भन्ने प्रश्नको जवाफमा, कांग्रेस अन्तरिम अध्यक्ष सोनिया गान्धीले भनिन्, “उनले माफी मागेका छन्।”