पेलोसीको भ्रमणपछि चीनको चेतावनी, अमेरिका र ताइवानले परिणाम भोग्नुपर्नेछ
काठमाडौं । अमेरिकी प्रतिनिधि सभाकी सभामुख न्यान्सी पेलोसीको ताइवान भ्रमणपछि चीनले अमेरिका र ताइवानले यसको परिणाम भोग्नुपर्ने चेतावनी दिएको छ ।
चिनियाँ सरकारी सञ्चारमाध्यम ग्लोबल टाइम्सका अनुसार चिनियाँ विदेश मन्त्रालयका प्रवक्ता हुआ सुआङले भनेकी छन्, “पेलोसीको भ्रमणबाट निम्त्याएको परिणामको पूर्ण जिम्मेवारी अमेरिका र ताइवानका पृथकतावादीहरूले लिनुपर्नेछ। चीनले आफ्नो वचनमा जिउनेछ, हामीलाई विश्वास गर्नुहोस् र धैर्य राख्नुहोस्। ”
The US and Taiwan secessionists must assume full responsibility for any consequences arising from Pelosi’s visit to Taiwan. China will keep its word, so please have patience and confidence: Chinese FM spokesperson Hua Chunying pic.twitter.com/28Yc4mfQwt
— Global Times (@globaltimesnews) August 3, 2022
न्यान्सी पेलोसी मंगलबार राति ताइवान आइपुगेर बुधबार प्रस्थान गरेकी थिइन्। चीनले यो भ्रमणको विरोध गर्दै अमेरिकालाई लगातार धम्की दिइरहेको थियो ।
पेलोसी र उनको प्रतिनिधिमण्डलले बुधबार ताइवानका राष्ट्रपति साई इङ-वेनसँग पनि भेट गरिन् । यस प्रतिनिधिमण्डलमा पेलोसी बाहेक अमेरिकी कंग्रेसका अन्य पाँच सदस्य थिए । यसबाहेक उनले सामाजिक कार्यकर्तासँग पनि भेट गरेकी छन् ।
Facebook Comment