काठमाडौं । साउदी अरेबियाकी सलमा अल-शेबाबलाई ३४ वर्षको जेल सजाय सुनाइएको छ । यो सजाय पूरा भएपछि सलमाले ३४ वर्षको यात्रा प्रतिबन्ध पनि भोग्नुपर्नेछ ।

सलमा अल-शेहबाबले साउदी महिलाको अधिकारलाई लिएर आफ्नो ट्वीटर अकाउन्टबाट धेरै ट्वीट रिट्विट गरेकी थिइन् । सलमाले जेलमा रहेका कार्यकर्ता लुजैन अल-हथलौललगायत अन्य धेरै महिला कार्यकर्ताको रिहाइको वकालत गरेकी थिइन्।

डेली मेलका अनुसार साउदी सरकारले सलमाले ट्विटरमार्फत जनतामा अशान्ति फैलाउन खोजेको आरोप लगाएको छ, उनको ट्वीटले राष्ट्रिय सुरक्षामा खतरा पैदा गरेको छ । साउदीको आतंकवादी अदालतले उनलाई ३४ वर्षको जेल सजाय सुनाएको थियो ।

सलमाका दुई सन्तान छन् । जसमध्ये एकको उमेर ४ वर्ष र अर्को ६ वर्षको छ । यसअघि उनलाई ६ वर्षको जेल सजाय सुनाइएको थियो । तर सोमबार साउदीको आतंकवादी अदालतले उनको सजाय ३४ वर्ष पुर्याएको थियो । सलमाको यो सजाय पूरा भएपछि ३४ वर्षको यात्रा प्रतिबन्ध पनि लागु हुनेछ ।

जब अदालतले सलमालाई सजाय सुनाएको थियो, उनको ट्वीट र सामाजिक सञ्जाल गतिविधिको पनि चर्चा भएको थियो। सलमाले जेलमा परेका महिला कार्यकर्ताहरूलाई रिहा गर्न माग गरेकी थिइन्, जसमध्ये प्रमुख लुजैन अल-हथलौल थिए।

सलमाले कार्यकर्ता लुजैन अल-हथलौलकी बहिनी लीनाको ट्विटलाई रिट्वीट गरिन्। यस ट्वीटमा लीनाले आफ्नी बहिनी लुजैन अल-हथलौलको रिहाइको माग गरेकी छिन् । यसै क्रममा सलमाले निर्वासित जीवन बिताइरहेका साउदीसँग असहमत भएका कार्यकर्ताहरूको ट्वीट पनि रिट्वीट गरिन् ।

सलमालाई सन् २०२१ को जनवरीमा साउदी अरबमा बिदा मनाउन आएका बेला पक्राउ गरिएको थियो । उनी बेलायतमा बस्दै लीड्स विश्वविद्यालयबाट पीएचडी गरिरहेकी थिइन्। सलमा शिया मुस्लिम हुन्।

यस विषयमा डा. बेथने अल हैदरीको बयान पनि बाहिर आएको छ । उनी अमेरिकाको ‘ह्युमन राइट्स अर्गनाइजेसन’ मा साउदी केस म्यानेजर हुन्। डा अल हैदरीले साउदीले महिलाको हितका लागि काम भइरहेको, महिलाको स्थितिमा सुधार भइरहेको, कानुनी सुधार भइरहेको भन्दै विश्वसामु घमण्ड गरिरहेको बताए । तर, जसरी सलमालाई सजाय सुनाइयो, त्यहाँको अवस्था दिनप्रतिदिन बिग्रँदै गएको एउटा कुरा प्रष्ट हुन्छ ।