काठमाडौं । म्याक रदरफोर्डले १७ वर्ष ६४ दिनको उमेरमा अनौठो उपलब्धि हासिल गरेका छन् । उनी आफैंले विमान उडाएर ५ महिनामा ५२ देशको भ्रमण गरेका छन् । यसरी उनी यस्तो गर्ने सबैभन्दा कान्छो व्यक्ति बनेका छन् । म्याकले ५ महिना भित्र सारा संसार परिक्रमा गरेका थिए । यसरी उनको नाम अब गिनिज वर्ल्ड रेकर्डमा समावेश भएको छ ।

उनकी दिदी जाराले पनि विमानमा एक्लै सारा संसार घुमेकी छिन्, उनी यस्तो गर्ने सबैभन्दा कम उमेरकी महिला हुन् । म्याकले पुरुषतर्फ यो उपाधि जितेका हुन् । म्याक भन्दा पहिले यो कीर्तिमान बेलायती पाइलट ट्राभिस लुडलोको नाममा थियो । उनले १८ वर्ष १५० दिनको उमेरमा यो कीर्तिमान बनाएका थिए ।

म्याकको उपनाम मेस सोलो हो। उनको जन्म बेलायतमा भएको हो । तर उनी बेल्जियममा हुर्केका थिए। म्याक ले यस वर्षको मार्च २३ मा बुल्गेरियाको राजधानी सोफियाबाट आफ्नो अद्वितीय एकल उडान यात्रा सुरु गरेका थिए। २४ अगस्ट २०२२ मा, उनी सारा संसारको परिक्रमा गरेर सोफिया फर्किए।

विशेष कुरा यो हो कि मार्कले आफ्नो १७ औं जन्मदिन पनि प्लेन भित्र नै मनाएका थिए, यसरी उनले आफ्नो नाममा दुईवटा गिनिज वर्ल्ड रेकर्ड बनाएका थिए । मार्कले आफ्नो यात्राको क्रममा सानो साइजको सिंगल इन्जिन विमान उडाए।

Congratulations to Mack Rutherford @macksolo2 who at 17 years and 64 days is officially the youngest person to circumnavigate the world by aircraft solo (male) https://t.co/cWkodgmRGw

— Guinness World Records (@GWR) August 24, 2022

मार्ककी दिदी जाराले यस वर्षको जनवरीमा आफ्नो एकल विमान यात्रा पूरा गरिन्। जाराले १९ वर्ष १९९ दिनमा यो उपलब्धि हासिल गरेकी हुन् । मार्कलाई मार्गको बारेमा मार्गदर्शन गर्ने उनी नै थिइन्। यो यात्राको क्रममा मार्कले धेरै कठिन परिस्थितिहरूको सामना पनि गरे। उनले मौसम खराब पाएपछि धेरै ठाउँमा अवतरण गर्न नचाहँदा पनि विमान अवतरण गर्नुपरेको थियो ।

कास्को कोभ आइल्याण्डमा पुग्ने बित्तिकै उनको समस्या सुरु भयो। किनभने यहाँ उनले खराब मौसमको सामना गरे। यसपछि उनले १० घण्टासम्म समुन्द्रमा ननस्टप प्लेन उडाए । यो समयमा धेरै तेज हावा चलिरहेको थियो र पानी पनि परिरहेको थियो। मौसम हेरेर उनले आफ्नो विमान अट्टुमा अवतरण गर्नुपर्‍यो ।

म्याकले आफ्नी दिदी जारालाई यो कीर्तिमान बनाउनको लागि प्रेरणाको स्रोत बताए, म्याक उनीबाट प्रभावित भए। यस वर्षको सुरुमा जाराले ‘विमानबाट विश्व परिक्रमा गर्ने सबैभन्दा कान्छी व्यक्ति’ (महिला) को कीर्तिमान बनाएकी थिइन् ।

यो उपलब्धी हासिल गरेपछि म्याकले भने कि तपाई जतिसुकै उमेरको किन नहुनुस् तपाईले आफ्नो सपना पूरा गर्नुपर्छ । म्याकले भने कि कडा मेहनत गर्नुहोस् र आफ्नो लक्ष्य पूरा गर्नुहोस्।

म्याक ३ वर्षको उमेरदेखि नै पाइलट बन्न चाहन्थे । उनले सेप्टेम्बर २०२० मा पाइलटको लाइसेन्स पाएका थिए। म्याकका बुबा साम रदरफोर्ड पनि एक पेशेवर फेरी पाइलट थिए, जबकि उनकी आमा ब्याट्रिस एक निजी पाइलट थिइन्। म्याकले आफ्नो इन्स्टाग्राम एकाउन्टमा यो अनौठो यात्राको दस्तावेज पनि राखेका छन् ।