काठमाडौं । रुसी सरकारी स्वामित्वको कम्पनी ग्याजप्रोमले आज जर्मनी जाने ग्यास पाइपलाइन नखुल्ने बताएको छ । ग्यास कम्पनीले नर्ड स्ट्रिम १ पाइपलाइनको टर्बाइनमा तेल चुहावट भएको बताएको छ।

यसको मतलब यो ग्यास पाइपलाइनको सञ्चालनको मितिबारे केही भन्न सकिने अवस्था छैन । मर्मतसम्भार कार्यको हवाला दिँदै ग्याजप्रोमले पछिल्लो दिनदेखि पाइपलाइन बन्द गरेको छ।

युक्रेनमा रुसले आक्रमण गरेपछि ऊर्जाको मूल्य बढेको छ र आगामी दिनमा अझै बढ्ने सम्भावना छ । रसियासँग विश्वको सबैभन्दा ठूलो प्राकृतिक ग्यास भण्डार छ र विश्वको सबैभन्दा ठूलो निर्यातकर्ता हो। युरोपमा करिब ४० प्रतिशत ग्यास रुसबाट आयात हुने गरेको छ ।

युरोपले रुसबाट आउने ग्यासमाथिको आफ्नो निर्भरता घटाउने प्रयास गरिरहेको छ, तर यसका लागि लामो समय लाग्नेछ। युरोपेली संघका अध्यक्ष चार्ल्स मिसेनले रुसको कदमको निन्दा गरेका छन् ।

उनले ट्वीट गर्दै रुसले ग्यासलाई हतियारको रुपमा प्रयोग गरिरहेको तर युरोपेली संघको प्रस्तावमा परिवर्तन नहुने लेखेका छन् । हामी रुसमाथिको हाम्रो निर्भरता कम गर्नका लागि हाम्रा प्रयासहरूलाई तीव्र पार्नेछौं। हाम्रो कर्तव्य भनेको हाम्रा नागरिकहरूको रक्षा गर्नु र युक्रेनको स्वतन्त्रतालाई समर्थन गर्नु हो।

यद्यपि, रुसले पश्चिमी प्रतिबन्धहरू प्रतिस्थापन गर्न ग्यासलाई आर्थिक हतियारको रूपमा प्रयोग गरेको आरोप अस्वीकार गरेको छ। ,