काठमाडौं । आफ्नै अपहरणको खबर फैलाउने एक महिलालाई अदालतले दोषी ठहर गरेको छ । ती महिलालाई छिट्टै सजाय दिइनेछ । अपहरणको खबर पाएलगत्तै महिलाको खोजीमा परिवारका सदस्यसहित प्रहरी टोली जम्मा भएको थियो । तर २२ दिनपछि उनी आफ्नो प्रेमीसँग घरमा आरामसँग बस्दै आएको थाहा भयो ।

महिलाले आफ्नो कार्यको लागि माफी मागेकी छिन् । अहिले आफुलाई लाज लागेको उनले बताइन् । यो घटना अमेरिकाको क्यालिफोर्नियाको हो । आरोपित महिलाको नाम शेरी पापिनी हो । शेरी अहिले ३९ वर्षकी भइन् ।

शेरीले नोभेम्बर २०१६ मा आफ्नो अपहरणको झूटो रिपोर्ट गरेको आरोप छ। जब उनी आफ्नो प्रेमीसँग थिइन्, त्यो पनि प्रेमीकै घरमा । शेरीले परिवारलाई आफूलाई बन्दुक देखाएर बन्धक बनाइएको बताएकी थिइन् ।

परिवारका सदस्यहरूले शेरीको खोजी गर्न प्रहरीलाई सम्पर्क गरे। तर शेरीको कुनै खबर आएन । पछि एफबीआईको सहयोग लिइयो । तर उीहरूनले पनि शेरीलाई भेट्टाउन सकेनन्।

२२ दिनपछि उनी घरबाट करिब हजार किलोमिटर टाढाको ठाउँमा देखिएको सुराग फेला परेको थियो । त्यसपछि प्रहरी टोली घटनास्थल पुगेको थियो । जहाँबाट शेरीलाई घाइते अवस्थामा घरबाट मुक्त गरिएको थियो ।

द सनका अनुसार, सबैले सुरुमा शेरीलाई वास्तवमै अपहरण गरेको अनुमान गरे। तर अनुसन्धान अघि बढ्दै जाँदा शेरी बसेको घरमा अर्का व्यक्ति पनि रहेको पत्ता लाग्यो । डीएनए परीक्षणले ती व्यक्ति अरु कोही नभई शेरीको प्रेमी भएको खुलेको छ । यस मामिलामा शेरीलाई पनि सोधपुछ गरिएको थियो तर पनि उनी अपहरणको कुरामा अडिग रहिन् ।

मुद्दा अदालतसम्म पुग्यो । प्रहरीले अदालतमा आफ्नो पक्ष पेस गर्दै शेरीले कसरी अपहरणको झुटो कथा बनाएको भन्ने अनुसन्धान र प्रमाण बुझाएको थियो । जब उनी आफ्नो प्रेमीसँग थिइन् । प्रहरीको तर्फबाट उपस्थित वकिलले पनि शेरीले आफ्नो शरीरमा चोट पुर्याएको बताए ।

केही समय अघि, शेरीले स्वीकार गरिन् कि उनको अपहरणको दाबी पूर्ण रूपमा गलत थियो। उनी बेपत्ता हुँदा उनी आफ्नो प्रेमीसँग थिइन् । त्यही क्रममा उनका श्रीमान् र अभिभावक खोजीमा लागेका थिए ।

शेरीको आश्चर्यजनक स्वीकारोक्तिको दुई दिन पछि, उनका श्रीमानले सम्बन्धविच्छेदको लागि निवेदन दिए। श्रीमानले शेरीको ठुलो झूटले आफूलाई गहिरो चोट लागेको बताए । उनले बालबालिकाको अभिवाकत्वको लागि अदालतमा निवेदन समेत दिएका थिए ।

शेरीका पतिले उनी बेपत्ता हुँदा बच्चाहरूलाई गहिरो दुःख लागेको बताए। श्रीमती खोज्न धेरै समय र पैसा खर्च भयो। तर अहिले वास्तविकता थाहा पाएपछि मन स्थिर भएको छ ।

यसैबीच, सजायको घोषणा हुनुअघि शेरीले मिडियासँग कुरा गरिन्। उनले विगत ६ वर्षमा धेरै दुःख भोगेको बताइन् । सार्वजनिक सुनुवाइ पनि भएको छ । शेरीले आफू मानसिक यातनाबाट गुज्रिरहेको बताउँछिन् । उनका वकिलले पनि अदालतबाट कम सजाय माग गर्ने बताए । तर, शेरीले कम्तिमा ८ महिना जेल सजाय भोग्न सक्नेछिन् ।