काठमाडौं । आजसम्म रुसले युक्रेनमा आफ्नो सैन्य कारबाही योजना अनुसार चलिरहेको दाबी गर्दै आएको छ । तर अहिले त्यस्तो छैन ।

भ्लादिमिर पुटिनले रुसी सेनाको रिजर्भ सेनालाई युद्धमा बोलाउने घोषणा गर्दै रणभूमिमा थप सेनाको आवश्यकता रहेको स्वीकार गरेका छन् ।

रुसी राष्ट्रपतिको कुरा सुन्दा उनलाई सात महिनाअघि युक्रेनमा आक्रमण गरेकोमा अलिकति पनि पश्चाताप भएको देखिँदैन ।

पुटिनले रुसको समस्याका लागि पश्चिमी देशहरू जिम्मेवार रहेको बताएका छन् । यसो भन्दै उनले पश्चिमा देशहरुले रुसलाई तोड्न खोजेको आरोप लगाएका छन् ।

“यदि रुसको क्षेत्रीय अखण्डता खतरामा परेको छ भने, हामी सबै उपलब्ध साधनहरू प्रयोग गर्नेछौं,” उनले भने।

रुसले भर्खरै आफ्नो कब्जामा लिएका युक्रेनका क्षेत्रहरूमा आगामी दिनहरूमा जनमतसंग्रह हुँदैछ।

यो युक्रेन र पश्चिमका लागि सीधा सन्देश हो – हामीले कब्जा गरेको भूमि फिर्ता लिने प्रयास नगर्नुहोस् र जुन हामीले दाबी गर्नेछौं।

यसबारे स्पष्ट पार्न उनले धम्की दिएका छन् ।

उनले भने, “हामीलाई आणविक हतियारको धम्की दिने प्रयास गर्नेहरूले थाहा पाउनुपर्छ कि हावा उनीहरूतिर पनि चल्न सक्छ।”