काठमाडौं । युक्रेनका राष्ट्रपति भोलोदिमिर जेलेन्स्कीले बुधबार जर्मन सञ्चारमाध्यमलाई रुसले आणविक हतियार प्रयोग गर्छ भन्ने आफूलाई नलागेको बताएका छन् ।

जेलेन्स्कीको भनाइ यस्तो बेला आएको छ जब रुसी राष्ट्रपति भ्लादिमिर पुटिनले रुसको क्षेत्रीय अखण्डतालाई खतराबाट जोगाउन सबै उपलब्ध साधन प्रयोग गर्न आह्वान गरेका छन् ।

“मलाई लाग्दैन कि विश्वले उनीहरूलाई आणविक हतियार प्रयोग गर्न दिनेछ,” जेलेन्स्कीले एएफपी समाचार संस्थालाई भने।

जर्मनीको बिल्ड अखबारसँग कुरा गर्दै उनले भोलि पुटिनले पोल्याण्डको हिस्सा चाहन्छु नत्र हामी आणविक हतियार प्रयोग गर्नेछौं भन्न सक्छन् । हामी यसरी वार्ता गर्न सक्दैनौं।

जेलेन्स्कीले रुसी सेनाको कमजोर मनोबलका कारण बुधवार पुटिनले आंशिक परिचालनको आदेश दिएको बताए। यो आदेशको अर्थ युक्रेनले युद्धमा रुससँग थप स्रोतसाधन र सेना थप्नेछ।

पुटिनले देशलाई सम्बोधन गरेको टेलिभिजन सम्बोधनमा भने, ‘रुसको क्षेत्रीय अखण्डता कायम राख्न यो महत्त्वपूर्ण कदम हो’।’ उनले भने, ‘पश्चिमी संसारले सोभियत संघलाई ध्वस्त गरेझैं रुसको अन्त्य चाहेको थियो।’