काठमाडौं । नयाँ मिडिया कानून टर्कीको संसदले अनुमोदन गरेको छ, जुन पहिलेको भन्दा कडा छ। यसअन्तर्गत फेक न्यूज फैलाउने पत्रकार र सामाजिक सञ्जाल प्रयोगकर्तालाई तीन वर्षसम्मको जेल सजाय हुन सक्नेछ ।

समाचार एजेन्सी एएफपीका अनुसार टर्कीमा आठ महिनापछि हुन लागेको राष्ट्रपतीय निर्वाचनअघि यो नयाँ कानून ल्याइएको हो ।

यस कानूनमा ४० संशोधन गरियो र प्रत्येक संशोधनमा छुट्टै मतदान भयो। यो प्रस्ताव राष्ट्रपति रेसेप तैयप एर्दोगनको एकेपी पार्टीले पेश गरेको थियो, जसको प्रमुख विपक्षी समूहहरूले विरोध गरेका थिए।

यो कानून अन्तर्गत सामाजिक सञ्जाल र इन्टरनेट साइटहरूमा नक्कली सूचना दिने प्रयोगकर्ताको व्यक्तिगत जानकारी दिनु आवश्यक हुनेछ।

अदालतले प्रमाणित रिपोर्टहरू र सामाजिक सञ्जाल प्रयोगकर्ताहरूलाई झुटो समाचारको दोषी पाइएमा एक देखि तीन वर्षसम्म सजाय गर्न सक्छ।

सरकारले फेक न्युजको रिपोर्ट गर्ने साप्ताहिक ‘डिसइन्फर्मेसन बुलेटिन’ पनि प्रकाशन गर्न थालेको छ ।

यस परिवर्तनको सम्बन्धमा, काउन्सिल अफ युरोप अधिकार समूहले भनेका छन कि ‘डिसइन्फर्मेसन’ को अस्पष्ट परिभाषा र जेलको धम्कीले सेल्फ सेन्सरशिपलाई बढावा दिनेछ, विशेष गरी जुन २०२३ मा हुने आगामी चुनावलाई ध्यानमा राख्दै यस्तो हुन सक्नेछ ।