काठमाडौं । उडिरहेको विमानमा एक यात्रुले केबिन क्रुसँग यस्तो व्यवहार गरे कि पाइलटले आकस्मिक अवतरण गर्नुपर्‍यो । यात्रुले पहिले चालक दलका सदस्यसँग झगडा गरे र त्यसपछि कर्मचारीको औंला टोकिदिए । यो घटनाको क्रममा उडानमा अराजकता भएको थियो।

डेली स्टारको रिपोर्टका अनुसार टर्किस एयरलाइन्सको विमान इस्तानबुलबाट इन्डोनेसियाको राजधानी जकार्ता जाँदै थियो । त्यसपछि त्यहाँ रहेका एक यात्रुले चालक दलका सदस्यसँग झगडा गर्न थाले । यात्रुले मादक पदार्थ सेवन गरेको बताइएको छ । ती यात्रु आफैं एक पाइलट हुन् । उनी इन्डोनेसियाको बाटिक एयरमा कार्यरत छन् ।

An Indonesian passenger on a Turkish Airlines flight TK56 to CGK yesterday was recorded assaulting a flight attendant, forcing the flight to land at KNO temporarily before resuming. Turns out he’s a Batik Air pilot returning from holiday in Turkey pic.twitter.com/X70KhjmTsX

— Nuice Media (@nuicemedia) October 12, 2022

बहस चाँडै झगडामा परिणत भयो। यात्रुले चालक दलका सदस्यलाई मुक्का प्रहार गर्न थाले । तर, मानिसहरूले उनलाई कुनै न कुनै रूपमा नियन्त्रण गरे। झगडाका कारण विमानले क्वालानामु विमानस्थलमा आकस्मिक अवतरण गराएको थियो । यात्रुको पहिचान मुहम्मद जोन ज्याज बौडविजनको रूपमा गरिएको छ। बिमानस्थल पुग्ने बित्तिकै उनलाई विमानबाट निकालियो ।

बौडभिजन आफैं इन्डोनेसियाली एयरलाइन्सका पाइलट रहेको बताइएको छ । एक उडान परिचरले टर्किस एयरलाइन्सका कर्मचारीको औँला काट्नु अघि शान्त हुन चेतावनी दिएका थिए । तर उनको कार्य रोकिएन । कर्मचारी र अन्य यात्रुसँग झगडा गरिरहे । यसैबीच मानिसहरुले उनलाई कुटपिट समेत गरेका थिए । यस घटनाको भिडियो बाहिर आएको छ ।

भिडियोमा एक व्यक्तिले उडानमा कसरी हंगामा मच्चाइरहेका छन् देख्न सकिन्छ । यसै क्रममा उनले अचानक एक कर्मचारीको औंला टोकिदिएको आरोप छ । यति मात्र होइन, उनले सदस्यलाई मुक्का समेत हाने । त्यसपछि दुवै पक्षबाट झडप सुरु भएको थियो ।