काठमाडौं । रुपन्देही २ मा सत्ता गठबन्धनले जनमुक्ति पार्टीका उम्मेदवार केशवबहादुर थापालाई सर्मथन गर्ने निर्णय गरेको छ । आज(बुधबार) बसेको गठबन्धनको बैठकले थापालाई समर्थन गर्ने निर्णय सार्वजनिक गरेको छ।

गठबन्धनले चार दलका प्रमुख नेताहरुको संयुक्त विज्ञप्तिमार्फत थापालाई समर्थन गर्ने निर्णय गरेको जानकारी गराएको  हो ।

यस क्षेत्रमा गठबन्धनबाट उम्मेदवारी दिएका नेकपा (एकीकृत समाजवादी) का  उम्मेदवार राजु गुरुङको उम्मेदवारी निर्वाचन आयोगले बैङ्किङ कसुरमा सजाय पाएका र अदालतमा मुद्दा खेपिरहेकाले  निर्वाचन ऐन २०७४ बमोजिम खारेज गरेको थियो ।

आयोगको उक्त निर्णयविरुद्ध सर्वोच्च गएका उनको उम्मेदवारी  रुपन्देही-२ बाट प्रतिनिधिसभाको लागि खारेज गर्ने निर्णय सर्वोच्च अदालतले गरेको थियो ।