काठमाडौं । दिल्ली नगर निगमको चुनाव अगाडि भाजपा र आम आदमी पार्टीबीच आरोप–प्रत्यारोप बढ्दै गएको छ । अब नयाँ विवादमा दिल्लीका उपमुख्यमन्त्री मनिष सिसोदियाले भाजपाले मुख्यमन्त्री अरविन्द केजरीवाललाई मार्ने षड्यन्त्र गरिरहेको आरोप लगाएका छन् । उनले भाजपा नेता मनोज तिवारीको ट्विटलाई लिएर यस्तो बताएका हुन् ।

मनोज तिवारीले बिहीबार ट्विट गरेका थिए, “म अरविन्द केजरीवाल जीको सुरक्षालाई लिएर चिन्तित छु किनकि आप कार्यकर्ता र जनता लगातार भ्रष्टाचार, टिकट बिक्री र जेलमा बलात्कारीहरूसँगको मित्रता र मसाजबाट क्रोधित छन्। उनीहरुका विधायकलाई पनि कुटपिट भएको छ । त्यसैले दिल्लीको मुख्यमन्त्रीसँग यस्तो नहोस्। अदालतले सजाय दिनुपर्छ।”

यसबारे मनिष सिसोदियाले ट्वीट गर्दै भनेका छन्, ‘दिल्ली र गुजरातमा जुन किसिमको चुनावी माहौल छ, त्यसले भारतीय जनता पार्टीलाई यति हल्लाएको छ कि त्यो आफ्नो षडयन्त्रभन्दा माथि उठेर हत्याको योजना बनाउन थालेको छ ।’

“उनीहरूले चुनाव अघि अरविन्द केजरीवाल जीलाई बदनाम गर्ने प्रयास गरे तर सफल भएनन्, त्यसैले हिजो मनोज तिवारी जीले केजरीवाल जीलाई एक किसिमले धम्की दिएका छन्, जसबाट स्पष्ट हुन्छ कि भारतीय जनता पार्टीले अरविन्द केजरीवाल जीलाई मार्ने षड्यन्त्र गरिरहेको छ।”

सिसोदियाले भने, “हिजो मनोज तिवारी जीले जुन भाषामा बोलेका थिए त्यो पूर्ण रूपमा खुला धम्की हो। कसैले आक्रमण गर्न सक्छ तर कसरी थाहा पाउने भनी उनीहरु भन्छन् । यसबारे पूर्ण छानबिन हुनुपर्छ । आज हामी यस विषयमा निर्वाचन आयोगमा उजुरी गर्नेछौं, एफआईआर गर्नेछौं र अरविन्द केजरीवाललाई मार्ने धम्की दिएको आरोपमा मनोज तिवारीलाई पक्राउ गर्न माग गर्नेछौं। उनीहरुको गहिरो छानबिन हुनुपर्छ ।”