काठमाडौं । मुम्बईमा प्रहरीले दक्षिण कोरियाली महिलासँग दुर्व्यवहार गरेको आरोपमा दुई जनालाई पक्राउ गरेको छ । म्योची भनेर चिनिने हुजेङ पार्कले सामाजिक सञ्जालमा भिडियो लाइभ स्ट्रिम गरिरहेको बेला घटना मंगलबार भएको हो।

भिडियोमा एक केटाले २४ वर्षीया हुजेङ पार्कको घाँटीमा हात राखेर चुम्बन गरिरहेको देख्न सकिन्छ । समाचार एजेन्सी एएनआईका अनुसार यी दुवैमाथि यौन दुर्व्यवहारको आरोप लगाइएको छ ।

Last night on stream, there was a guy who harassed me. I tried my best not to escalate the situation and leave because he was with his friend. And some people said that it was initiated by me being too friendly and engaging the conversation. Makes me think again about streaming. https://t.co/QQvXbOVp9F

— Mhyochi in ?? (@mhyochi) November 30, 2022

हुजेङको लाइभस्ट्रिमिङ प्लेटफर्म ट्विचमा १२,००० फलोअर्स छन्। उनी प्रायः भिडियो गेम खेल्दै खानाको भिडियो राख्छिन्।

उनी विगत केही सातादेखि भारतमा छिन् र ब्लग बनाउँदै छिन् । उनी मंगलबार मुम्बईको खार क्षेत्रमा आफ्ना फलोअर र मानिसहरूसँग कुरा गरिरहेकी थिइन्, जब दुईजनाले उनलाई दुर्व्यवहार गरेका थिए।