काठमाडौं । अमेरिकाको सान फ्रान्सिस्कोमा प्रहरीले यस्तो रोबोट प्रयोग गर्ने अनुमति पाएको छ जसले मान्छेको ज्यान समेत लिन सक्नेछ ।

सुपरभाइजर बोर्डको नयाँ निर्णय अनुसार विष्फोटक पदार्थले सुसज्जित रोबोटलाई चरम अवस्थामा प्रयोग गर्न सकिनेछ ।

प्रहरीले अहिले घातक रोबोटको यो विधि प्रयोग नगर्ने बीबीसीलाई बताएको छ । त्यसको प्रयोग आवश्यक पर्दा भविष्यमा यस्तो अवस्था आउन सक्ने उसको भनाइ छ ।

धेरैले यसको विरोध गरिरहेका छन्, तर पक्षमा रहेकाहरूले यो कठिन परिस्थितिमा निकै उपयोगी साबित हुने बताएका छन् ।

तर उच्च पदमा बसेका थोरै व्यक्तिहरूले मात्र तिनीहरूलाई प्रयोग गर्न अनुमति दिन सक्छन्।