काठमाडौं । रसियामा थुनामा रहेकी अमेरिकी बास्केटबल खेलाडी ब्रिटनी ग्रिनरलाई कैदी आदानप्रदान सम्झौता अन्तर्गत रिहा गरिएको छ ।

बीबीसी रुसी सेवाका अनुसार ब्रिटनी ग्रिनरलाई रुसी अदालतले लागुऔषध तस्करीमा दोषी ठहर गरेको हो । उनको रिहाइको सट्टामा अमेरिकी रुसी नागरिक भिक्टर बाउटलाई रिहा गरिएको छ ।

भिक्टर बाउट हतियार तस्करीको आरोपमा अमेरिकामा जेल सजाय काटिरहेका थिए।

रुसी विदेश मन्त्रालयका अनुसार कैदीहरूको यो आदानप्रदान अबु धाबी एयरपोर्टमा भएको थियो। बिहीबार साँझ भिक्टर बाउट मस्कोको भानुकोभो विमानस्थलमा पुगे र त्यहाँ आफ्नी श्रीमती र आमालाई भेटे। यसलाई रूसी टेलिभिजनमा प्रत्यक्ष प्रसारण गरिएको थियो।

भिक्टर बाउटले मिडियालाई भने कि उनको रिहाइको बारेमा आफूलाई यसअघि जानकारी दिइएको थिएन।

रुसी समाचार एजेन्सी टासले उनलाई उद्धृत गर्दै भनेको छ, “आधी राति उनीहरू आएर तयार हुन भने। यसअघि कुनै जानकारी दिइएको थिएन।”

समाचार एजेन्सी रोयटर्सका अनुसार महिनौंसम्मको वार्तापछि कैदीहरूको आदानप्रदानमा सहमति भएको थियो।