काठमाडौं । रुसले युक्रेनमा लडिरहेका आफ्ना सैनिकहरूको मनोबल बढाउन सङ्गीतकार र गायकहरूलाई मोर्चामा पठाउने बताएको छ।

रुसी रक्षा मन्त्रालयले यो पनि भनेको छ कि यसले फ्रन्ट-लाइन क्रिएटिभ ब्रिगेड बनाउनेछ, जसमा सर्कसका कामदारहरू पनि समावेश हुनेछन्।

बेलायती रक्षा मन्त्रालयले गत आइतबार आफ्नो गुप्तचर अपडेटमा यो ब्रिगेड गठन गरेको उल्लेख गरेको छ ।

यसअघि बेलायती रक्षा अधिकारीहरूले रुसी सुरक्षाकर्मीको मनोबल कमजोर हुने ठूलो जोखिम रहेको बताएका थिए ।

बेलायतले भनेको छ कि ‘मानिसहरूलाई आफ्ना संगीत वाद्ययन्त्रहरू सेनालाई दान गर्न भनिएको छ र ऐतिहासिक रूपमा सैन्य संगीतलाई सेनाको मनोबल बढाउन प्रयोग गरिएको छ।

रुसी समाचार समूह आरबीसीका अनुसार पुटिनको भर्खरै भर्ती अभियान अन्तर्गत भर्ती भएका नयाँ सैनिकहरू यस ब्रिगेडमा सामेल हुनेछन्।