काठमाडौं । दक्षिण कोरियाले रणनीतिक रूपमा अत्यन्तै महत्त्वपूर्ण हर्मुज स्ट्रेट वरपरको समुद्री सुरक्षालाई लिएर ठूलो कदम चाल्ने तयारी गरेको छ। दक्षिण कोरियाको रक्षा मन्त्रालयले यस क्षेत्रमा समुद्री गस्ती विमान तैनाथ गर्ने जानकारी दिएको छ।

दक्षिण कोरियाको रक्षा मन्त्रालयका अनुसार समुद्री गस्ती विमान र बम डिस्पोजल विशेषज्ञहरूको टोली होर्मुज स्ट्रेट वरपरको समुद्री क्षेत्रमा तैनाथ गरिनेछ। यस मिसनको माध्यमबाट समुद्री मार्गको सुरक्षा सुनिश्चित गर्न सहयोग पुर्‍याइनेछ।

समुद्री गस्ती विमानले यस क्षेत्रमा निगरानी राख्न र सम्भावित खतराहरूमाथि नजर राख्न मद्दत गर्नेछन्। उता, विस्फोटक सामाग्री निष्क्रिय पार्ने टोलीले समुद्रमा हुन सक्ने विस्फोटक खतराहरूसँग जुध्न विशेषज्ञ सहयोग प्रदान गर्नेछ।

होर्मुज स्ट्रेट विश्वका सबैभन्दा महत्त्वपूर्ण समुद्री व्यापारिक मार्गहरूमध्ये एक हो। यसले फारसको खाडीलाई ओमानको खाडी र अरब सागरसँग जोड्छ। अन्तर्राष्ट्रिय ऊर्जा आपूर्ति र समुद्री व्यापारका दृष्टिकोणले यो जलमार्गको निकै ठूलो महत्त्व छ।

यस्तो अवस्थामा यो मार्गमा आउने कुनै पनि सुरक्षा अवरोधको असर विश्वव्यापी व्यापार र तेल आपूर्तिमा पर्न सक्छ। दक्षिण कोरियाको यो मिसन यही रणनीतिक समुद्री मार्गलाई खुला राख्ने अन्तर्राष्ट्रिय प्रयासहरूको एउटा हिस्सा हो।