काठमाडौं । अमेरिकी मध्यावधि निर्वाचनमा रिपब्लिकन पार्टीको ऐतिहासिक पराजयपछि इरान युद्धलाई लिएर बहस तीव्र बनेको छ।

निर्वाचनको परिणाम स्पष्ट भएपछि संयुक्त राष्ट्रसङ्घ का लागि इजरायली राजदूत ड्यानी ड्याननले इरान युद्धका लागि अमेरिकालाई जिम्मेवार ठहराएका छन्।

उनले भनेका छन्, ‘इरानमाथि आक्रमण गर्ने निर्णय अमेरिकाको थियो। यो हाम्रो निर्णय थिएन।’ यद्यपि, उनले इजरायलले युद्धको समर्थन गरेको र त्यो सही निर्णय हो भन्ने लागेको स्पष्ट पारे।

यस निर्वाचनमा सिनेटर पदमा विजयी भएका डेमोक्रेट नेता अब्दुल अल सैयदका सम्बन्धमा एक टिभी च्यानलसँगको अन्तर्वार्तामा ड्याननले भने, ‘उनी यस्ता व्यक्ति हुन् जसले इजरायलमा जे सुकै भए तापनि इजरायलको विरोध नै गर्नेछन्। यहाँसम्म कि गाजामा युद्धविराम भए तापनि उनको अडान बदलिने छैन। उनी यहुदी-विरोधी हुन्, त्यसैले उनीसँग काम गर्न निकै कठिन हुनेछ।’

उनले अगाडि भने, ‘मेरो बुझाइमा डेमोक्रेटिक पार्टीले चरमपन्थी अडान लिनुको सट्टा मध्यमार्गबाट नेतृत्व गर्नुपर्छ भन्ने कुरा बुझेको छ।’

बुधबार आएको नतिजा अनुसार डेमोक्रेटिक पार्टीले सिनेट र हाउस अफ रिप्रेजेन्टेटिभ्स दुवै सदनमा बहुमत हासिल गरेको छ।