काठमाडौं । हवाईयन एयरलाइन्सको विमान हल्लिँदा ३६ जना घाइते भएका छन्, जसमध्ये ११ जनाको अवस्था गम्भीर छ । यो एयरलाइन फिनिक्सबाट होनोलुलु जाँदै थियो। आइतबार २७८ यात्रु र १० चालकदलसहितको विमान अवतरण गर्नुअघि नै यो दुर्घटना भएको हो ।

२० जनालाई अस्पताल लगिएको थियो, उनीहरुको टाउकोमा चोट लागेको छ भने शरीरका विभिन्न भागमा गम्भीर चोट लागेको छ । विमानमा जोडजोडले धक्का महसुस हुँदा सो क्षेत्रमा चट्याङ परेको बताइएको छ ।

“सामान्य चोटपटक लागेका र चालक दलका सदस्यहरूलाई चिकित्सा हेरचाह प्रदान गरिएको थियो र केहीलाई तुरुन्तै अस्पतालमा लगिएको थियो,” हवाईयन एयरलाइनले एक विज्ञप्तिमा भन्यो। अस्पताल पठाइएकोमा १७ यात्रु र तीन चालक दलका सदस्य रहेका छन् । जसमा एक १४ वर्षीय बालक पनि छन् ।

(1/2) HA35 from PHX to HNL encountered severe turbulence & landed safely in HNL at 10:50 a.m. today. Medical care was provided to several guests & crewmembers at the airport for minor injuries while some were swiftly transported to local hospitals for further care.

— Hawaiian Airlines (@HawaiianAir) December 19, 2022