काठमाडौं । रुसी राष्ट्रपति भ्लादिमिर पुटिनका साथीलाई स्वीस बैंकमा ठूलो रकम जम्मा गर्न अनुमति दिने चार बैंकरलाई नियमावलीमा उचित जाँचबुझ नगरेकोमा दोषी ठहर गरिएको छ ।

“पुटिनको वालेट” भनेर चिनिने संगीतकार सर्गेई रोल्डुगिनलाई मद्दत गरेकोमा रुसको गाजप्रोम बैंकको जुरिच शाखाका पूर्व कार्यकारीहरूलाई सात महिनाको लागि निलम्बन गरिएको छ।

रोल्डुगिनले सन् २०१४ र २०१६ को बीचमा करिब ३० मिलियन पाउण्ड जम्मा गरेको बताइएको छ । पैसा कहाँबाट आयो भन्नेमा उनले कुनै भरपर्दो जवाफ दिएनन् ।

स्वीस कानून अन्तर्गत, बैंकहरूलाई खाता बन्द गर्ने अधिकार छ यदि उनीहरूलाई खातावाला वा रकमको स्रोतको बारेमा शंका छ भने।

रोल्डुगिन सेलो खेलाडी र राष्ट्रपति पुटिनकी जेठी छोरी मारियाका गडफादर हुन्। पुटिनले पनि उनलाई सम्मान गरेका छन् ।

दोषी ठहरिएका बैंकरमध्ये तीन रुसी र एक स्विस नागरिक छन् । स्वीस प्रतिबन्ध अन्तर्गत उनको पहिचान खुलासा गर्न सकिँदैन। उनले स्वीस अदालतको फैसलाविरुद्ध अपिल गर्ने बताएका छन् ।