काठमाडौं । आइसीसी विश्वकप छनोटको आफ्नो दोस्रो खेलमा नेपालले आज अमेरिकाको सामना गर्दैछ । अमेरिकाविरुद्ध नेपालले टस जितेर पहिले बलिङ रोजेको छ ।

नेपालले आफ्नो पहिलो खेलमा आयोजक जिम्बाब्वेसँग पराजित भएको थियो । ५ टिम भएको समूहका शीर्ष ३ टिम सुपर सिक्समा सिक्समा जाने भएकोले नेपालले आजको खेल जित्नै पर्ने दबाब छ ।

अमेरिकाले पनि यसअघि आफ्नो पहिलो खेल वेष्ट इण्डिजसँग हारेको छ त्यसैले अमेरिका पनि दबाबमा छ । नेपाल भएको समूह एमा जिम्बाब्वे, अमेरिका, वेष्ट इण्डिज र नेदरल्याण्ड छन् ।