काठमाडौँ। सांग्रिला डेभलपमेन्ट बैंकको २ लाख ९४ हजार ६७४ कित्ता संस्थापक सेयर बिक्रीमा ल्याएको छ।

यस सेयरमा हाल विद्यमान संस्थापक सेयरधनीहरुले मात्रै खरिद आवेदन दिन पाउनेछन्। यस सेयरमा लगानीकर्ताले ३५ दिनभित्र आवेदन दिईसक्नु पर्ने छ।

इच्छुक संस्थापक सेयरधनीहरुले आफूले खरिद गर्न चाहेको सेयर संख्या खुलाई काठमाडौँको बालुवाटारस्थित बैंकको केन्द्रीय कार्यालयमा खरिद आवेदन पेस गर्नुपर्नेछ।

तोकिएको समयपछि संस्थापकहरुबाट खरिद आवेदन नपरेको खण्डमा अन्य व्यक्ति तथा संस्थालाई बिक्री खुला गरिने बैंकले जनाएको छ।