काठमाडौं । चीनमा आफ्नी प्रेमिकालाई चुम्बन गर्नु एक पुरुषलाई यति महँगो साबित भयो कि उनलाई हतारमा अस्पताल लैजानु परेको छ । युवकले आफ्नी प्रेमिकालाई करिब १० मिनेटसम्म किस गरे । दुवैबीच चुम्बन यति तीव्र भयो कि त्यसो गर्दा युवकको कानको जाली फुट्यो । तत्कालै युवकलाई अस्पताल लगियो ।

वास्तवमा, चीनमा भ्यालेन्टाइन डे अगस्ट २२ मा मनाइन्छ। मिडिया रिपोर्टका अनुसार चाइनिज भ्यालेन्टाइनको अवसरमा यो जोडी खुसी मनाउन चीनको पूर्वी झेजियाङ प्रान्तको वेस्ट लेक पुगेका थिए ।

यस क्रममा दुवैले एकअर्कालाई जोडले चुम्बन गर्दा युवकको कानमा केही अनौठो आवाज आयो, त्यसपछि उनको सुन्न सक्ने क्षमता पूरै गुम्यो । अस्पताल लैजाँदा उनको कानको पर्दा फुटेको थाहा भयो ।

युवकको उपचारमा संलग्न चिकित्सकले उनी निको हुन २ महिना लाग्न सक्ने बताएका छन् । चिकित्सा विशेषज्ञहरुका अनुसार यो अवस्था चुम्बन गर्दा धेरै पटक हुन सक्छ।

वास्तवमा, तीव्रताका साथ चुम्बन गर्दा कान भित्र हावाको चापमा द्रुत परिवर्तन हुन सक्छ। यस्तो अवस्थामा पार्टनरले गहिरो सास लिँदा यसले असन्तुलन सिर्जना गर्न सक्छ जसको प्रत्यक्ष असर कानमा पर्छ र कानको पर्दा पनि फुट्न सक्छ।