सल्यान । २३ वर्षीया महिला र ६ वर्षीया बालिका बलात्कार आरोपमा सल्यान प्रहरीले दुई जनालाई पक्राउ गरेको छ।

महिला बलात्कार आरोपमा कुमाख गाउँपालिकाका २६ वर्षीय सन्देश शाह र बालिका बलात्कार आरोपमा शारदा नगरपालिकाका १४ वर्षीय बालकलाई प्रहरीले पक्राउ गरेको हो। शाहले गत कार्तिक २८ गते र बालकले कार्तिक २० गते बालिका बलात्कार गरेको आरोप छ।

पक्राउ परेका दुवैलाई जिल्ला प्रहरी कार्यालय सल्यानको हिरासत कक्षमा राखेर अनुसन्धान भइरहेको प्रहरीले जनाएको छ।