काठमाडौं । रुकुमपूर्वको पुथा उत्तरगंगा गाउँपालिकाको उपाध्यक्ष पदका लागि भएको उपनिर्वाचनको मत गणना भोली मात्रै हुने भएको छ।

निर्वाचन सहायक अधिकृत ईश्वरीप्रसाद सुवेदीका अनुसार मतदान सम्पन्न भए पनि गाडीमा ३ घण्टा लगाएर मतपेटिका ल्याउनु पर्ने र त्यसपछि फेरि पैदल आउनुपर्ने केही वडा रहेकाले आज रातभरमा मतपेटिका संकलन गरिने छ।

उनका अनुसार उपनिर्वाचनमा उक्त पालिकामा ५३.०५ प्रतिशत मत खसेको छ। ११ हजार १ सय ८० जना मतदानदाता रहेकोमा ५ हजार ९ सय ३१ मत खसेको हो।