धनगढी । धनगढी उपमहानगरपालिका मेयर गोपाल हमाल मस्तिष्क स्ट्रोकको समस्या देखिएपछि शनिबारदेखि भारतको दिल्लीमा उपचाररत छन्।

शनिबार धनगढीबाट रेफर गरिएका मेयर हमालको दिल्लीस्थित म्याक्स अस्पतालको न्यूरोइन्टेन्सिभ केयर आईसीयू र स्ट्रोक युनिटमा उपचार भइरहेको छ।

हमालको सचिवालयले उपचारको क्रममा चिकित्सकले विभिन्न परीक्षण जारी राखेको बताइएको छ। डाक्टरले ४८ घण्टा निगरानीमा राखेर त्यसपछि आगामी उपचार प्रक्रिया निर्धारण गर्ने बताइएको छ।