धनगढी । कैलालीबाट खैरो हेरोइनसहित प्रहरीले चार जनालाई पक्राउ गरेको छ।

लम्कीचुहा नगरपालिका बचैलास्थित खाली घरबाट खैरो हेरोइन २ ग्राम ६ सय २० मिलिग्रामसहित चार जनालाई प्रहरीले आज दिउँसो पक्राउ गरेको हो।

पक्राउ पर्नेमा सोही नगरपालिका–४ कौवापुर बस्ने २४ वर्षीय आरन थापा, २३ वर्षीय जगत वड, १६ वर्षीय किशोर र सोही नगरपालिका–३ चिसापानी बस्ने २४ वर्षीय भिमसेन सापकोटा छन्। चारै जनालाई इलाका प्रहरी कार्यालय लम्कीबाट खटिएको प्रहरीले पक्राउ गरेको हो।