काठमाडौं । दुर्गा प्रसाईंको बन्दी प्रत्यक्षीकरणको रिटमा सर्वोच्च अदालतमा सुनुवाइ सकिएको छ।

शुक्रबार सर्वोच्चका न्यायाधीशद्वय डा. नहकुल सुवेदी र शारङ्गा सुवेदीको इजलासमा प्रसाईंलाई उपस्थित गराएर सुनुवाइ भएको हो। ​​​

प्रसाईंलाई अदालतमा झिकाउन यस अघि आदेश भएअनुसार उनलाई शुक्रबार अदालतमा उपस्थित गराइएको थियो।

साइबर अपराधमा पक्राउ परेका प्रसाई यसअघि ४० हजार रुपैयाँ धरौटीमा छुटे पनि लगत्तै आपराधिक लाभ र संगठित अपराधको कसुरमा पक्राउ परेका थिए।