काठमाडौं। श्रीलंकाका पूर्वराष्ट्रपति रनिल विक्रमासिङ्घे शनिबार नेपाल आउँदै छन्। उनी निजी भ्रमणका लागि नेपाल आउन लागेको परराष्ट्र मन्त्रालयका प्रवक्ता कृष्णप्रसाद ढकालले जानकारी दिए।

मन्त्रालयले उनलाई पूर्वराष्ट्रपतिका रूपमा भ्रमणका क्रममा शिष्टाचार र सुरक्षाको प्रबन्ध गर्ने जनाएको छ। अन्य भेटघाट र भ्रमण उनले आफ्नै हिसाबले निजी रूपमा गर्ने जनाइएको छ। पूर्वराष्ट्रपति विक्रमासिंघे नेपाल भ्रमणका क्रममा लुम्बिनीसमेत जाने कार्यक्रम छ। भ्रमण सम्पन्न गरी उनी यही पुस १७ गते स्वदेश फर्कनेछन्।