काठमाडौं। सरकारको निर्देशनसँगै नेपालमा सामाजिक सञ्जाल प्लाटफर्म फेसबुक बन्द हुन थालेको छ।

नेपाल दुरसंचार प्राधिकरणको निर्देशनमा इन्टरनेट सर्भिस प्रोभाइडरहरुले सामाजिक सञ्जालहरुलाई आफ्ना नेटवर्कहरुमा बन्द गर्न लागेसँगै फेसबुक बन्द हुन थालेको हो।

इन्टरनेट सेवा प्रदायक कम्पनी वर्ल्डलिंकले केहीबेरअघिबाट फेसबुक बन्द गरेको छ। यस्तै भायानेट लगायत अन्य कम्पनीहरुले पनि प्रतिबन्धमा परेका सामाजिक सञ्जालहरुले बन्द गरेका छन्।