मुगु । राष्ट्रिय प्रजातन्त्र पार्टीको तर्फबाट ज्ञानेन्द्र बहादुर शाहीले उम्मेदवारी दर्ता गराएका छन्। आगामी फागुन २१ गते हुने प्रतिनिधिसभा निर्वाचनका लागि शाहीले उम्मेदवारी दर्ता गराएका हुन्।

२०७९ को निर्वाचनबाट बहुमत ल्याएर विजयी भएका शाही फेरी जुम्ली जनताको शरणमा आएका छन्। जुम्लालाई देशभर चिनाएको र अब समग्र कर्णालीलाई अन्तराष्ट्रिय स्तरमा चिनाउन आफ्नो उम्मेदवारी रहेको उनले बताए।

उम्मेदवारी दर्तापछि संचारकर्मीलाई प्रतिक्रिया दिँदै शाहीले भने, ‘कर्णाली चिनाउन, कर्णालीको उत्पादनलाई विश्व बजारमा पुर्याउन मेरो उम्मेदवारी हो। म ललितपुर, सुर्खेतबाट सिफारिस हूँदा जन्मभूमीकै माया लागेर फर्किँए। जनता जर्नादनको हातमा निर्णय छोडेको छु। निर्णय जे आउँछ स्वीकार गर्छु।’

२०७९ को निर्वाचन शाही ६ महिना अघि नै जुम्लाका गाउँगाउँमा पुगेका थिए। तर यसपाली उम्मेदवारी दर्ता गर्ने दिन मात्रै उनी जुम्ला पुगेका हुन्। अन्तिम समयसम्म कहाँबाट चुनाव लड्ने अनिश्चिताकाबीच अन्तिममा जुम्लालाई रोजेका छन्।