काठमाडौं । देशका विभिन्न स्थानमा तीन जनाको शव फेला परेको छ।

नवलपरासी पश्चिम, सुस्ता गाउँपालिका-३ फेनहरास्थित टहरोमा पहिचान नखुलेका अन्दाजी ६० वर्षीय पुरूष बिहीबार मृत अवस्थामा फेला परेका छन्।

कपिलवस्तुको मायादेवी गाउँपालिका-४ सानो गौरा बस्ने ६५ वर्षीय महुमत अजित धुनिया सोही ठाउँस्थित खाली जग्गामा बिहीबार मृत अवस्थामा फेला परेका छन्।

धनुषाको जनकनन्दिनी गाउँपालिका-२ पोखरीया टोल नजिक सडक छेउमा पहिचान नखुलेका अन्दाजी ५० वर्षीय पुरूष बिहीबार मृत अवस्थामा फेला परेका छन्।

सबै घटनाका सम्बन्धमा प्रहरीले आवश्यक अनुसन्धान गरिरहेको जनाएको छ।