काठमाडौं। नेपाली कांग्रेसका युवा नेता शंकर तिवारीले पार्टीको १५औँ महाधिवेशनमा महामन्त्री पदमा आफ्नो उम्मेदवारी घोषणा गरेका छन्।

पार्टी सभापति गगन थापाको हात बलियो बनाउन र कांग्रेसको वैचारिक पक्षलाई थप सशक्त एवं प्रस्ट पार्नका लागि आफूले महामन्त्री पदमा उम्मेदवारी दिने निर्णय गरेको तिवारीले बताएका छन्।

युवा पुस्ताको सशक्त नेतृत्व, पार्टीको आन्तरिक रूपान्तरण, र संगठनलाई तल्लो तहसम्म सुदृढ बनाउने मुख्य एजेन्डासहित उनले आफ्नो उम्मेदवारी अघि सारेका हुन्।