काठमाडौं। पछिल्लो २४ घण्टामा देशका विभिन्न स्थानमा भएका सवारी दुर्घटनामा ८ जनाको मृत्यु भएको छ भने १४३ जना घाइते भएका छन्।

नेपाल प्रहरीले दिएको जानकारी अनुसार दुर्घटनामा कर्णाली प्रदेशमा ५ जनाको मृत्यु भएको छ भने लुम्बिनी, बागमती र कोशी प्रदेशमा एक एक जनाको मृत्यु भएको छ।

त्यस्तै देशभर भएका दुर्घटनामा १४३ जना घाइते भएका छन्। जस अनुसार मधेश प्रदेशमा २८ जना घाइते भएका छन् भने कोशीमा २१ जना, काठमाडौँ उपत्यकामा १२ जना, सुदूरपश्चिममा ७ जना, बागमतीमा ६ जना घाइते भएका छन् भने लुम्बिनीमा २५ जना, कर्णालीमा ३१ जना र गण्डकीमा १३ जना घाइते भएका छन्।