काठमाडौं। सरकारले यही कात्तिक १३ गते किजापूजाको अवसरमा सार्वजनिक बिदा दिने निर्णय गरेको छ ।

मन्त्रिपरिषद्को यही कात्तिक ५ गतेको निर्णयअनुसार उक्त दिन देशभरका सरकारी कार्यालय, सार्वजनिक निकाय, सङ्घ–संस्था तथा शिक्षण संस्थामा समेत सार्वजनिक बिदा हुने भएको छ ।

भाई टिकाको भोलीपल्ट नेवार समूदायले किजापूजा मनाउँछन्। काठमडौंका नेवार समूदायका सांसदहरुले केही दिनअघि प्रधानमन्त्री केपी ओलीलाई भेटेर बिदा दिन माग गरेका थिए। उनीहरुकै माग अनुसार सरकारले यस्तो विदा दिने निर्णय गरेको हो।

बिहीबार मन्त्रिपरिषदका निर्णय सार्वजनिक गर्न आयोजित पत्रकार सम्मेलनमा सरकारका प्रवक्ता सञ्चार तथा सूचना प्रविधिमन्त्री गोकुल बाँस्कोटाले सरकारले विदा दिने निर्णय गरेको जानकारी दिए।