काठमाडौं। सुनसरीको धरान उपमहानगरपालिकाको मेयरको पछिल्लो मतपरिणामा काँग्रेसले मतान्तर फराकिलो पार्दै लगेको छ। आइतबार राती साढे ११ बजेको मतपरिणाअनुसार काँग्रेस उम्मेदवार तिलक राईले १६ हजार ६ सय ५८ मत प्राप्त गरेका छन्।

यस्तै नेकपाका उम्मेदवार प्रकाश राईले १५ हजार ३ सय ८९ प्राप्त गरेका छन्। काँग्रेस उम्मेदवार नेकपाका उम्मेदवारभन्दा १ हजार २ सय ७९ मतले अगाडि रहेका छन्।

यसअघि ड बजेको परिणाममा काँग्रेसका मेयर उम्मेदवार तिलक राईले नेकपा उम्मेदवार प्रकाश राईभन्दा ७०७ मतको अग्रता लिएका थिए ।

यसअघि धरान उपमहानगरपालिकामा तत्कालिन नेकपा एमालेका तारा राई विजयी भएका थिए । उनको मृत्यु भएपछि उपनिर्वाचन भएको हो। काँग्रेसले लगातार अग्रता बढाएपछि काँग्रेस कार्यकर्ताहरु मतगणनास्थलमा नाचिरहेका छन्। ५५ हजार मत खसेको धरानमा करिब ३५ हजार मतगणना भइसकेको छ।