काठमाडौं, साउन १९
प्रधानमन्त्री केपी शर्मा ओलीले अन्तर्राष्ट्रिय एक दिवसीय क्रिकेट प्रतियोगितामा पहिलो जित हात पार्न सफल नेपाली राष्ट्रिय टोलीलाई बधाई दिएका छन् । शुक्रबार राति भएको नेदरल्यान्डविरुद्धको दोस्रो खेलमा नेपालले १ रनको रोमाञ्चक जित निकाल्दै वान डे क्रिकेटमा पहिलो जित दर्ता गरेको थियो ।

सोही अवसरमा प्रम ओलीले नेपालको ऐतिाहासिक जितबाट आफू खुसी भएको बताउँदै उनले आगामी नयाँ यात्राका लागि शुभकामनासमेत दिएका छन् ।

प्रधानमन्त्री ओलीले आज सामाजिक सन्जाल ट्वीटरमार्फत् कप्तान पारस खड्का र नेपाली टिमलाई बधाई तथा शुभकामना ज्ञापन गरेका हुन् ।

ट्वीटरमा प्रम ओलीले बधाई दिँदै लखेका छन्, ‘नेपाली क्रिकेट टिमले नेदरल्यान्डमा अन्तर्राष्ट्रिय खेलमा हासिल गरेको जितका लागि कप्तान पारस खडका र सम्पूर्ण खेलाडीलाई बधाई ज्ञापन गर्दछु । नेपाली क्रिकेटले आगामी दिनमा थप सफलता प्राप्त गरोस् भन्ने शुभकामना समेत व्यक्त गर्दछु ।’