काठमाडौं। विश्व भरी नेपाली माझ मिस वल्र्ड प्रतिस्पर्धा गरिरहेकी नेपाली प्रतियोगि श्रृंखला खतिवडको बारेमा आएको खुसीको समाचार भ्रामक रहेको पुस्टी भएको छ । यतीबेला प्रतिस्पर्धा गरिरहेकी श्रृंखलाको विषयमा आएका छ्यापछ्याप्ती आइरहेका समाचारहरु सतही एवं भ्रामक रहेका छन् । समाचार लेख्नेहरुले वास्तविकता नबुझी समाचार लेखिदिँदा पाठकहरु भ्रममा परिरहेका छन् । शुक्रबार बेलुका भोटिङका आधारमा ‘हेड टु हेड च्यालेन्ज’का २० समूहका समूह विजेता घोषणा गरिँदा श्रृंखला पूरै प्रतियोगिताको टप २० मा परेको भन्दै धेरै मिडियामा समाचार आयो जुन समाचार गलत थियो ।

टप ३० कै समीकरण पूरा भै नसकेको अहिलेको अवस्थामा श्रृंखला कसरी टप २० मा पुगिसकिन् ? ‘हेड टु हेड च्यालेन्ज’को टप २० लाई पूरै प्रतियोगिताको टप २० सम्झेर समाचार लेखिँदा यस्तो भ्रम सिर्जना भएको हो । शुक्रबार घोषणा गरिएका २० प्रतियोगी हेड टु हेड राउण्डको दोस्रो चरण प्रवेश गरेका हुन् र यो च्यालेन्जबाट १० जना मात्र टप ३० सम्म पुग्न सक्छन् अर्थात यी २० बाट अझै १० जना बाहिरिनेछन् ।

टप ३० मा अहिलेसम्म जापान, फ्रान्स र अमेरिका मात्र पुगेका छन् । फ्रान्स टप मोडल प्रतियोगिताको विजेता भएर, जापान ट्यालेन्ट राउण्डको विजेता भएर र अमेरिका स्पोर्टस राउण्डको विजेता भएर टप ३० मा पुगेका हुन् । हेड टु हेडको फाइनल शनिबार भइरहेको छ र फाइनलपछि १० जना मात्र यो च्यालेन्जबाट पूरै प्रतियोगिताको टप ३० मा पुग्नेछन् जसमध्ये एक श्रृंखला पनि हुन सक्छिन् । त्यसपछि टप ३० मा पुग्नेहरुको संख्या १३ पुग्नेछ र बाँकी १७ जना अन्य च्यालेन्ज पार गर्दै टप ३० मा आउनेछन् ।

ब्युटी विथ अ प्रपोज, पिपुल्स च्वाइस, मल्टिमिडिया, जजको च्वाइस लगायतका अन्य विभिन्न प्रतियोगिता र चरणहरु छन् । यी बाटोहरुबाट अन्य १७ प्रतियोगी टप ३० मा छनोट हुनेछन् । ती ३० जनाबीच त्यसपछि विभिन्न प्रतिस्पर्धा गराइनेछ जसबाट टप १२ सुन्दरी छानिनेछन् । टप १२ सुन्दरीमध्ये पनि पुनः प्रतिस्पर्धा हुनेछ जसबाट ५ जना अन्तिम चरणको लागि छानिनेछन् । यी ५ सुन्दरीहरुबीच अन्तिममा प्रश्नोत्तर हुनेछ यो प्रश्नको जवाफको मूल्यांकनको आधारमा मिस वल्र्ड २०१८ छानिनेछ ।

पुरा वास्तविकताको जानकारीको लागी यो भिडियो हेर्नुहोस…