काठमाडौं। कान्तिपुर एचडीबाट प्रसारण भइरहेको गायन रियालिटी शो द भ्वाइस अफ नेपाल सेमिफाइनलमा पुगेको छ । शनिबार प्रसारण भएको कार्यक्रमबाट दुई प्रतियोगी कुशल आचार्य र श्रीया राई टप ८ का लागि छनोट भए सँगै टप ८ को टुङ्गो लागेको हो।

द भ्वाइस अफ नेपालमा टिम सनुपबाट विद्या तिवारी र सप्तक दूतराज, टिम दीपबाट सिडी विजय अधिकारी र विवेक वाइबा लामा, टिम अभयाबाट श्रीया राई र कुशल आचार्य र टिम प्रमोदबाट सुशील गर्तौला र श्रिजे थपलिया टप ८ मा छनोट भएका छन्।

शनिबार प्रसारण भएको एपिसोडमा टिम प्रमोदबाट दोस्रो प्रस्तुति लिएर आएका थिए श्रीजय थपलिया। नेपालको राजनीतिक आन्दोलन र सामाजिक जागरणका अभियानमा चर्चित गीत ‘गाउँ गाउँबाट उठ’ मा आफ्नो प्रस्तुति दिएका श्रिजेलाई आफ्नो प्रस्तुतिपछि दर्शकले वान्समोर भन्दै हुटिङ गरे। हेर्नुस् उनको प्रस्तुति।