कपनमा एक महिलाको हातमुख बाँधेको अवस्थामा शव फेला, २ जना पक्राउ

सांकेतिक तस्बिर


काठमाडौं । कपनमा एक महिलाको संकास्पद अवस्थामा शव फेला परेको छ।

कपन चोकको किराना तथा मदिरा पसलमा हात मुख बाँधेको अवस्थामा साविकको वाणगंगा गाविसकी ५६ वर्षीया कमला केसीको शव फेला परेको महानगरीय प्रहरी बृत बौद्धले जनाएको छ।

बौद्धका प्रहरी नायव उपरीक्षक रमेश बहादुर सिंहका अनुसार घटना हिजो राती भएको र बुधबार विहान मात्रै प्रहरीलाई जानकारी भएको थियो।

घटना हत्या भएको आशंका गर्दै प्रहरीले प्रारम्भिक अनुसन्धान गर्दा संकास्पद अवस्थामा २८/२९ वर्षका २ जना युवक/युवती पक्राउ गरेको प्रहरी नायव उपरीक्षक सिंहले जनाए।

उनले अनुसन्धानको क्रममा भएकोले उनीहरुको नाम नखुलाएको जानकारी दिएका छन्। ‘पक्राउ परेका २ जना कहिलेकाँही मृतक केसीसंग बस्ने गरेको प्रारम्भिक अनुसन्धानमा खुलेको छ।’ उनले भने।

डिएसपी सिंहले डिसी नेपाललाई दिएको जानकारी अनुसार मृतक महिला कपनमा चिया पसल चलाउँथिन्, त्यहीँ पसलमा मदिरा व्यापार पनि गर्थिन्। पसलसँगै जोडिएको कोठाको खाटमा उनको शव फेला परेको थियाे।

डिएसपी सिंहले भने, ‘मृतक महिलाको सुरुको श्रीमानले छोडेपछि अर्कैसंग विहे गरेर कपनमा बस्दै आएको अनुसन्धानमा खुलेको छ। पसलमा भने उनी मात्रै एक्लै बस्दै आएकी थिइन्।’

मृतक महिलाको शव पोष्टमार्टमको लागि त्रिवि शिक्षण अस्पताल महाराजगञ्ज लगिएको उनले बताए।

Facebook Comment


सम्बन्धित खवर

ताजा भिडियो