काठमाडौं । बलिउड अभिनेता सुशान्त सिंह राजपूत र ज्याकलीन फर्नाडिस स्टारर बहुप्रतिक्षित चलचित्र ड्राइभ चलचित्र हलमा नआउने भएको छ । यस चलचित्र भिडियो स्ट्रीमिङ एप्लीकेसन नेटफ्लिकसमा आउने बताइएको छ । तरुण मनसुखानीको निर्देशन रहेको यस चलचित्र नेटफ्लिक्सका प्रदर्शन हुने पहिलो चलचित्र हुने भारतीय सञ्चारमाध्यमले जनाएको छ ।

चलचित्रमा सुशान्त–ज्याकलीनका साथै बोमन ईरानी, पंकज त्रिपाठी, विभा छिवर, सपना पब्बी र विक्रमजीत मुख्य भूमिकामा रहेका छन् । करण जौहरले शनिवार ट्वीटरमा एक ट्वीट गर्दै भनेका छन्, ‘ड्राइभमा हामीले अर्को गियर लगाएका छौं, छिट्टै नै नेटफ्लिक्स स्क्रीनमा सार्वजनिक गर्नेछौं ।’