अष्ट्रेलियन ओपन टेनिसको उपाधि जोकोभिकलाई
![अष्ट्रेलियन ओपन टेनिसको उपाधि जोकोभिकलाई](https://www.dcnepal.com/wp-content/uploads/2020/02/c5cf5b98fca5fce1ab2dbd1a6e9acea8.jpg)
एजेन्सी। सर्बियन टेनिस स्टार नोभाक जोकोभिकले अष्ट्रेलियन ओपन टेनिसको उपाधि जितेका छन् । मेलबर्नमा आइतबार भएको फाइनलमा अष्ट्रियाका डोमिनिक थिमलाई पराजित गर्दै जोकोभिक च्याम्पियन बनेका हुन् ।
उपाधि जित्ने क्रममा दोस्रो वरियताका जोकोभिकले पाँचौं वरियताका थिमलाई ६-४, ४-६,२-६,६-३ र ६-४ को सेटमा पराजित गरे । यससँगै जोकोभिकले आठौं पटक अष्ट्रेलियन ओपनको उपाधि जित्न सफल भएका छन् । उनको यो करियरको १७ औं ग्राण्डस्लाम उपाधि हो ।
यस अघि सेमिफाइनलमा स्विस टेनिस स्टार रोजर फेडेररलाई हराएर जोकोभिक फाइनल पुगेका थिए । यस्तै थिमले एलेक्जेन्डर जेभरेभको चुनौती पन्छाएका थिए । महिलातर्फको उपाधि सोफिया केनिनले जितिसकेकी छिन्।
प्रतिक्रिया
Facebook Comment