काठमाडौं। गएराती पूर्वयुवराज पारस शाह बिरामी भएर अस्पताल जाने क्रममा उनी सवार गाडी दुर्घटना भएको छ । पोखरामा बस्दै आएका पूर्व युवराजलाई छाती दुख्ने समस्या भएपछि गएराती अस्पताल लैजाँदै गर्दा गाडी दुर्घटना भएको हो । पोखराको लेकसाइडबाट अस्पताल जाने क्रममा पूर्वयुवराज चढेको गाडीले बाच्छोलाई ठक्कर दिएको थियो ।

पश्चिमाञ्चल क्षेत्रीय अस्पताल लैजाँदै गर्दा गाडी दुर्घटना भएको थियो । गाडीले ठक्कर दिएपछि बाच्छो घटनास्थलमै मरेको प्रहरीले जनाएको छ । शाह चढेको बा १४ च २१३१ नम्बरको गाडी गाडी दुर्घटना भएपछि प्रहरीले सवारी चालक अशोक गुरुङ र गाडी लाई नियन्त्रणमा राखेको छ ।

गाडीमा पूर्वयुवराज पारस, चालक गुरुङर अर्का एक जना स्वास्थ्यकर्मी थिए । दुर्घटनापछि पारसका सहयोगीले अर्को गाडीमा राखेर उनलाई अस्पताल लगेका थिए। अस्पतालले शाहको स्वास्थ्य परीक्षणपछि अवस्था सामान्य रहेको भन्दै फिर्ता पठाइदिएको थियो। पूर्वयुवराज पारस पोखरामा बस्दै आएका छन्।