नेपाली बालिकालाई भारतमा बिक्री गर्ने दुई युवक पक्राउ – Dcnepal

नेपाली बालिकालाई भारतमा बिक्री गर्ने दुई युवक पक्राउ

काठमाडौं। एक नेपाली बालिकालाई भारतको एक प्रतिष्ठित कम्पनीमा काम लगाइदिन्छु भन्दै विभिन्न प्रलोभन देखाएर भारतमा बिक्री गरेको आरोपमा दुई जना युवकलाई प्रहरीले पक्राउ गरेको छ । प्रहरीको मानव बेचबिखन अनुसन्धान ब्युरोले ललितपुर महानगरपालिका–५ लगनखेलबाट १३ वर्षीया बालिकालाई उद्धार गरी उनीहरुलाई पक्राउ गरेको हो ।

पक्राउ पर्नेमा सिन्धुपाल्चोक बाह्रबिसे घोडाथली घर भई हाल सुनसरी बस्ने कृष्ण मगर र सिन्धुपाल्चोक घर भई हाल पोखरा लेकसाइड बस्ने प्रविन तामाङ रहेको ब्युरोले जनाएको छ । काममा लगाइदिन्छु भनी प्रलोभनमा पारेर भारतमा बिक्री गरेको भन्ने सूचनाका आधारमा खोजतलास तथा उद्धार गर्ने क्रममा भारतको रसलपुरबाट जेठ ३० गते भारतीय प्रहरीको सहयोगमा बालिकाको उद्धार गरेर काठमाडौ ल्याइएको छ ।

उनीहरुले बालिकालाई गत फागुन ११ गते काठमाडौँबाट सुनौली हुँदै भारतको उत्तर प्रदेश राज्यको पिप्रा रसलपुर पुर्याएका थिए । उनीहरुविरुद्ध मानव बेचबिखन तथा ओसारपसार नियन्त्रण ऐन, २०६४ अनुसार अनुसन्धान भइरहेको ब्युरोका प्रवक्ता प्रहरी उपरीक्षक (एसपी) गोविन्द थपलियाले जानकारी दिए ।

Facebook Comment


सम्बन्धित खवर

ताजा भिडियो