डोनाल्ड ट्रम्पले कोरोना भ्याक्सिन विकासकर्ता र एफडिएमाथि आफूलाई हराएको आरोप लगाए
काठमाडौं। अमेरिकी राष्ट्रपति डोनाल्ड ट्रम्पले अमेरिकी औषधि कम्पनी फाइजर र अमेरिकाको फूड एण्ड ड्रग एडमिनिस्ट्रेसनमाथि आफूलाई निर्वाचनमा हराउन भूमिका खेलेको आरोप लगाएका छन् । फाइजरले कोरोनाभाइरसविरुद्ध भ्याक्सिन विकास गरिरहेको छ र उसको भ्याक्सिनले निकै प्रभावकारी नतिजा दिएको बताइएको छ ।
As I have long said, @Pfizer and the others would only announce a Vaccine after the Election, because they didn’t have the courage to do it before. Likewise, the @US_FDA should have announced it earlier, not for political purposes, but for saving lives!
— Donald J. Trump (@realDonaldTrump) November 10, 2020
ड्रम्पले एफडिए र फाइजरले जानीजानी चुनाबअघि भ्याक्सिनको सफलताको घोषणा नगरेको आरोप लगाएका छन् । चुनावअघि भ्याक्सिनको सफलताको घोषणा भएको भए त्यसले आफ्नो जीत हुन सक्ने ट्रम्पले दावी गरेका छन् । ट्रम्पले लेखेका छन् ‘एफडिए र डेमोक्रेटहरुले चुनाबभन्दा अगाडि मलाई भ्याक्सिनको श्रेय दिन चाहँदैनथे किनकि यसबाट चुनाबमा मेरो जीत हुन सक्थ्यो । खास कुरा यो हो कि भ्याक्सिनको घोषणा चुनाबको ५ दिनपछि गरियो ।’
The @US_FDA and the Democrats didn’t want to have me get a Vaccine WIN, prior to the election, so instead it came out five days later – As I’ve said all along!
— Donald J. Trump (@realDonaldTrump) November 10, 2020
ट्रम्पले जो बाइडेन राष्ट्रपति भएको भए अझै ४ वर्षसम्म भ्याक्सिन उपलब्ध नहुने र एफडिएले पनि त्यसलाई तुरुन्त स्वीकृति नदिने समेत आरोप लगाए । यसअघि फाइजरले भ्याक्सिनको प्रारम्भिक विश्लेषणबाट यो कोरोना संक्रमण रोक्न ९० प्रतिशतसम्म प्रभावकारी रहेको दावी गरेको थियो । उता निर्वाचित राष्ट्रपति जो बाइडेनले भ्याक्सिन विकास गर्ने वैज्ञानिकहरुलाई बधाइ दिँदै कोरोनाको अन्त्य हुन केही समय लाग्ने कुरा भने बुझ्नुपर्ने बताएका छन् ।
If Joe Biden were President, you wouldn’t have the Vaccine for another four years, nor would the @US_FDA have ever approved it so quickly. The bureaucracy would have destroyed millions of lives!
— Donald J. Trump (@realDonaldTrump) November 10, 2020
Facebook Comment