सुनसरीको दुहबीमा माइक्रो र मोटरसाइकल ठोक्किँदा तीन जनाको मृत्यु, ८ जना घाइते – Dcnepal

सुनसरीको दुहबीमा माइक्रो र मोटरसाइकल ठोक्किँदा तीन जनाको मृत्यु, ८ जना घाइते

इनरुवा । सुनसरीको दुहबी नगरपालिका–१० स्थित भित्री सडकमा आज माइक्रो र मोटरसाइकल एकापसमा ठोक्किँदा तीन जनाको मृत्यु भएको छ भने ८ घाइते भएका छन् ।

मृत्यु हुनेमा मोटरसाइकल चालक इनरुवा–३ का ४४ वर्षीय बिर्ख मण्डल, माइक्रोका सहचालक सप्तरी राजविराज–१ का ३५ वर्षीय शङ्कर यादव र इनरुवा २ की २५ बर्षीय काजोल महतो रहेको सुनसरी प्रहरीले जनाएको छ।

दुहबीबाट इनरुवातर्फ आउँदै गरेको प्र १–०२–००१ ज ३८६८ नम्वरको माइक्रो र विपरीत दिशाबाट जाँदै गरेको को ३४ प ४६९४ नम्बरको मोटरसाइकल एकापसमा ठोक्किँदा दुर्घटना भएको थियो । ठक्कर दिने दुवै सवारी साधन प्रहरीको नियन्त्रणमा रहेको छ भने माइक्रो चालक फरार भएकाले खोजतलास भइरहेको प्रहरीले जनाएको छ ।

Facebook Comment


सम्बन्धित खवर

ताजा भिडियो