काठमाडौं। मनाङको चामेमा बाढीले पुल बगाएको स्थानमा नेपाली सेनाले काठेपुल बनाएको छ। सेनाले अविरल वर्षाको कारण बाढी तथा पहिरोले मनाङ जिल्लाको चामे गाउँपालिका ३ स्थित नयाँ बजार र चामे बजार जोड्ने घट्टेखोलाको पुल बगाएको स्थानमा नेपाली सेनाले नेपाल प्रहरीसँगको सहकार्यमा काठे पुल निर्माण गरेको हो। सेनाले पुल बनेपछि स्थानीय बासिन्दाहरुलाई आवतजावत गर्न सहज भएको जनाएको छ।