काठमाडौं। पाकिस्तानको सियालकोटमा ईशनिन्दाको आरोपमा श्रीलंकाका नागरिकको कुटेर हत्या गरिएपछि विश्व स्तब्ध भएको छ । श्रीलंकाले यो घटनाप्रति आक्रोश, आश्चर्य, चिन्ता र दुःख व्यक्त गरेको छ । श्रीलंकाका क्याबिनेट मन्त्रीनमल राजापाक्षेले दंगाइ भीडको यो कर्तुत बुझाइभन्दा बाहिर रहेको बताएका छन् । उनले यदि चरमपन्थीहरुमाथि नियन्त्रण गरिएन भने यस्तो घटनाको शिकार जो कोही पनि हुन सक्ने बताएका छन् ।

The brutal murder of Priyantha Diyawadana by extremist mobs in Pakistan is incomprehensible. While I appreciate PM @ImranKhanPTI‘s promise to bring those responsible to justice, we should be mindful that this could happen to anyone if extremist forces are allowed to act freely.

— Namal Rajapaksa (@RajapaksaNamal) December 3, 2021

यो घटनाप्रति प्रतिक्रिया दिँदै श्रीलंकाका युवा मामिला सम्बन्धी मन्त्री राजापाक्षेले भने ‘पाकिस्तानमा चरमपन्थी भीडले प्रियंथा दियावडानाको निर्मम हत्या बुझाइभन्दा काहिर छ । यद्यपि मलाई प्रधानमन्त्री इमरान खानको प्रतिबद्धतामा विश्वास छ जसले जिम्मेवारहरुलाई न्यायको कठघरामा ल्याउने प्रतिबद्धता जनाउनुभएको छ ।’ उनले चरमपन्थी भिडलाई यसैगरी स्वतन्त्र छोडियो र आफ्नो मनमर्जी गर्ने अनुमति दिइयो भने यस्तो घटनाको शिकार जो कोही पनि हुन सक्ने बताए ।

The horrific vigilante attack on factory in Sialkot & the burning alive of Sri Lankan manager is a day of shame for Pakistan. I am overseeing the investigations & let there be no mistake all those responsible will be punished with full severity of the law. Arrests are in progress

— Imran Khan (@ImranKhanPTI) December 3, 2021

शुक्रबार भएको यो घटनाप्रति प्रतिक्रिया दिँदै पाकिस्तानका प्रधानमन्त्री इमरान खानले भनेका थिए ‘सियालकोटमा फ्याक्ट्रीमा भीषण आक्रमण र श्रीलंकाली म्यानेजरलाई जिउँदै जलाइनु पाकिस्तानको लागि लज्जाको दिन हो । मैले यो घटनाको जाँचको निगरानी गरिरहेको छु र कुनै गल्ती हुन दिने छेन । सबै जिम्मेवारहरुलाई कानुनअनुसार पूरै कडाइका साथ सजाय दिइनेछ । यो घटनाका सम्बन्धमा गिरफ्तारी भइरहेका छन् ।’